monumenta.ch > Plinius > sectio 131
Word Selection for Searching
Report an Error in this Sectio
Plinius, Naturalis Historia, 32, 131
{XLVI} item siluri suffitu, praecipue Africi, faciliores partus facere dicuntur, cancri ex aqua poti profluvia sistere, ex hysopo purgare. et si partus strangulet, similiter poti auxiliantur. eosdem recentes vel aridos bibunt ad partus continendos. Hippocrates et ad purgationes mortuosque partus utitur illis, cum quinis lapathi radice rutaeque et fuligine trita et in mulso data potui.